好啦，我決定又去番MSN Spaces個blog啦。我知道呢個決定好沉重，但係我load唔島個blog，感覺仲沉沒。

好玩係好玩，不過，我只可以離開。

去吧，大家又返去微軟的世界吧。點擊此處回去，回去找命裏的伴侶，別要他為你等下去，待你好是我不規距，我有病。

原來有人鐘意我影的相架Yeah yeah yeah!!! YEAH爆。 

(後記：完全唔係我的相影得特別好，只不過係特別易search島，因為加咗tags) 

張相同我今晚講嘅嘢係冇關係的。咁經歷過數星期嘅搵工啦，終於有眉目啦。

正所謂，瘦田冇人耕，耕開有人爭，我呢塊瘦田，就俾人耕緊。而且係四方輪耕。

正所謂，男怕入錯行，咁我今次真係好小心，唔想再俾人錯耕。冇暗示。

但呢四方呢，就，始終都係有些地方可以再好些：

外資農業集團

名氣比較大，但同我想得到嘅養份，掙少少

外資農業單位

反而佢好似俾足我想要的，中小型企業，但外勞仲多過本地農民

本地農業單位

咁佢都好似可以俾島些嘢過我，不過太本地化。我唔係崇洋，但慣咗俾鬼佬耕

本地農業署

佢係同以上唔同category的，知道我講嘅人會知我講咩，唔知就點都唔會知。佢可能可以提升我呢塊田的長遠收割量

最慘的，我要盡快決定俾邊個耕。 有些嘢等緊，有些嘢又唔等得。好驚揀錯，又驚拒絕錯。SIGH爆。

近日真係心境舒泰，生活愉快。(真話，反話，大家自行去估吧。)都有成廿九幾年冇去過嘅夜蒲店，竟然響兩日之間去咗兩次。其實為咗乜？

其實都冇乜話為咗乜，除咗要夜媽媽將Kaiser獨留家中以前，其實都冇乜損失，反正我呢個二世祖依然遊手好閒地感受緊生活，加上平時都有午睡嘅習慣，夜晚真係訓唔著。與其響床上輾轉反側徹夜難眠，算，不如同好友一齊入夜奪寶好過。

實質上呢，有一種生活態度係真係好好的，就係No Pain No Gain，Sorry，講錯咗，係Work Hard Play Hard。我工作三十幾年中，其實都做唔島，我番工其實好懶，通常我都係放工先做公司嘢，結果，玩又冇得玩，做又唔係做。結果呢，乜活得好似一堆柴咁，枯之餘，又係等人燒。

所以，我希望新工番之後，真係要採用吓WHPH的態度。至少扮番個有學識，有生活美感嘅才俊嘛，分分鐘可以賣吓樓上燕窩莊的廣告添。

只見佢地係一男一女，男的係香港典型阿叔(即係好似我咁樣，或者好似瘋魔一時嘅巴士阿叔咁款)，女的，明顯地係異地女子。我費時講明係點樣異地法啦，大家自己去估。我睇唔到佢地個樣，不過從背面嘅髮膚睇黎，佢地年紀相差至少30至40年。而佢地係拖著手嘅夫妻款。

有時我諗，其實情情愛愛，都係呃呃tum tum，咁就一世。我比較少聽島有香港女仔響街到大讚佢老公或佢老公送嘅禮物，反而我成日響街見島有情侶鬧交。當然，剛才的異地戀主角可能返到屋企都會互斬互劈，但從那嬌柔而不做作的聲音中，至少呢條異地女係想表達出佢真係好鐘意好鐘意嗰條嘢(我估係頸鍊，或鎖鏈，不過冇理由帶鎖鏈去宴會)，當然佢心底裡諗乜嘢，或者係想以呢種讚美去得島乜嘢，我就唔知啦，我諗阿叔都唔知。

講真，佢咁樣公開地癬，我係那阿叔，都真係好lum。幾句嘢，就可以令男人充滿自信，覺得俾島幸福條女，咁真係好滿足。有時，你都唔怪得有些人去異地娶老婆，尤其是係物價指數較低的異地。你話，如果到五六十歲都係禾趕草王老五，月入數千，咁我可以去邊以價廉物美嘅嘢，換取島即使連自己都覺得假假地的成功感。

算啦，大家不如學學上一輩人，騙來騙去，相依到老。真乜嘢愛，激乜嘢情呀。得閒不如留番啖氣，讚你老公『嘩真係好勁呀』，讚你老婆『嘩真係好索呀』。真乜鬼愛呀，拍戲咩？

睇黎我都要renew定某種旅遊證件先。 

1. 公司A

我問：『咁你地公司擺落研究及開發嘅budget大概幾多島？』

佢答：『大概du du du咁，好少。』

我叫；『唉咁梗係錯啦。』

2. 公司B

佢問：『ee,  你幾多歲？』

我答：『吓？(望住佢手上我的resume)嗰度冇寫咩？』 

3.  公司C

佢問；『咁你覺得你嘅經驗同我地請嘅工作有邊D嘢係relevant呢？』

我答：『吓？我唔覺得有地方係irrelevant囉。』

4. 公司D

Job specs寫 X。面試兩三句後佢已經開始問一些Y的嘢。我照答啦，之後佢再深入地再問更多Y嘅嘢。

我叫：『吓你究竟請咩架？』

睇黎以後我見工真係要冷靜些，正路些。 

突然間覺得自己後生咗廿年，去番廿幾歲嘅時間。因為種種原因，我開始覺得我好似一個曾經好熟悉的人，至少我的生活作息都好似。夜訓啦，而家都兩點幾啦，先剛剛從朋友家中回來。

想出街，Larn街啦。搵嘢去玩啦，去玩啦。識人啦，朋友姐，又唔係做乜。上網上到爆為止啦，整blog啦。不斷咁充塞自己的空檔時間啦，因為實在太多啦。學吓外語啦。真係好似。不過在朋友那兒聽說，反而被我似嘅人，已經冇乜做以上的事。你話呢個係唔係叫做

全世界變了樣。

其實呢度我想提一提一套令我睇到哭嘅賀歲片，天下無雙(有王菲，朝偉，趙微同張震嗰套)。呢套笑片係好怪的，因為佢有好多感動位，睇到我哭到爆。而家我想講嘅係，王菲公主愛呀朝偉哥就愛到痴哂，癲倒哂，被太后拆散後，她就癲咗，仲成為咗朝偉，一舉一動神態語氣都十足十。唉，有暗喻？

Sorry其實呢次留言主題係今晚的唱K，我同舊友又黎兩條友去，結果都唱咗五粒鐘。睇黎，我練緊嘅回春暨回魂大法，真係有效。而家冇咗D bye bye肉，身型又fit哂，多謝水晶能量水，同埋肥媽推介的『變靚D 變型D』。