神秘的煙雲 やるしかないよ

(長島冰茶 - 52776.jpg )

近日真係心境舒泰，生活愉快。(真話，反話，大家自行去估吧。)都有成廿九幾年冇去過嘅夜蒲店，竟然響兩日之間去咗兩次。其實為咗乜？

(California Red Miramar Center - 52322.jpg )

突然間覺得自己後生咗廿年，去番廿幾歲嘅時間。因為種種原因，我開始覺得我好似一個曾經好熟悉的人，至少我的生活作息都好似。夜訓啦，而家都兩點幾啦，先剛剛從朋友家中回來。

咁呀流失嘅光陰一分一秒咁同你say bye，九月都黎緊頭啦。有D嘢有D眉目，有D嘢又冇乜起色咁。所以不如plan吓九月及本年第四季可以點啦。Plan得黎都差唔多架啦。

九月仍然係不明朗嘅時間，因為仲有好多嘢都仲係不明朗。搵工方面，奇人奇事都發生緊，期票就聽得多，期offer有冇聽過？有個offer話請，但要等吓，而又唔知等幾耐。其他仲有些等緊。咁，唯有尤得佢啦，我又唔可以去斬佢，仲可以捱多半年，遲些先算。

咁其實九月會係好精彩的，因為各方好友都有好精彩的節目，包括三日兩夜至五日四夜嘅秋郊會，我地一班人會北上尋歡，綠野仙蹤，希望搵到真正嘅安慰同安樂。之後會去澳門拜見人仔及佢安排嘅光明頂聖煙火大會，可以謀殺好多菲林。依架九月的四個周末有兩個都full咗，即刻仲有兩個係空，Empty，快些諗吓有咩做先。

由於好友刀亂瑪佢又扮的起心肝重學日文，咁我都唔可以執輸，我都會繼續學一些極有用的生活對話。